Цената на нафтата надмина 76 долари на меѓународните пазари во петокот, бидејќи трговците се фокусираа на најавените нови стимулации за кинеската економија и прогнозите за ниски температури во Европа и САД.
На лондонскиот пазар цената на барелот утрово изнесуваше 76,51 долари. Во Њујорк барелот се тргуваше за 73,96 долари.
Во новата година пазарите поттикнаа нови мерки со кои Пекинг има намера оваа година да ја поттикне потрошувачката кај граѓаните и компаниите, пренесува Мина.
Кина во четвртокот неочекувано објави дека ќе ги зголеми платите на државните службеници и ќе собере значително повеќе пари со издавање на државни обврзници со многу долги рокови за финансиска поддршка на корпоративните инвестиции и јавната потрошувачка.
Мерките за поттикнување повторно се најдоа во центарот на вниманието по новите навестувања за слабост во кинеската индустрија на крајот на минатата година.