Цените на нафтата паднаа минатата недела, бидејќи се очекува трговската војна меѓу САД и Кина да го забави растот на светската економија, а со тоа и побарувачката за „црното злато“.
Цената на барел на лондонскиот пазар падна минатата недела за 1,6 проценти, на 66,87 долари, додека на американскиот пазар, барелот падна за 2,6 проценти, на 63,02 долари.
Трговците беа фокусирани и на трговската војна меѓу САД и Кина минатата недела.
Американскиот претседател Доналд Трамп во неколку наврати изјави дека е подготвен да преговара со Пекинг за царините и нагласи дека тие нема да бидат блиску до сегашните 145 проценти. Пекинг, од друга страна, изјави дека услов за преговори е укинување на американските царини.
Зрак оптимизам предизвикаа најавите на неколку компании и здруженија дека Кина ослободила одредени производи од царински давачки. Но, Кина ја негираше изјавата на Трамп дека разговорите веќе се започнати.
Американско-кинеската трговска војна го загрозува растот на светската економија и побарувачката за енергетски производи.