Цените на нафтата пораснаа трет ден по ред во азиското електронско тргување денеска, при што северноморската сурова нафта „брент“ се искачи над 81 долар за барел до највисокото ниво во повеќе од четири месеци.
Трговците со нафта очекуваат проширувањето на американските санкции кон Русија да влијае на извозот на руската нафта до нејзините најголеми купувачи, Кина и Индија.
Цената на сирова нафта од Западен Тексас за испорака во февруари се зголеми за 1,57 долари на 78,14 долари за барел од 159 литри до пладне по време на Сингапур.
Цените на мартовските фјучерси на северноморската сурова нафта „брент“ се зголемија за 1,53 долари на 81,29 долари.
Цените на нафтата во Северното Море и Америка се зголемија за повеќе од шест отсто од 8 јануари, а растот на нивните цени дополнително беше поттикнат од американското Министерство за финансии, кое во петокот воведе дополнителни санкции кон Русија. Новите санкции ги вклучуваат нафтените компании Гаспром Нефт и Сургутнефтегас и 183 бродови кои превезуваат руска нафта, насочени кон приходите што Москва ги користи за финансирање на војната со Украина.
Новите санкции сериозно ќе му наштетат на рускиот извоз на нафта, принудувајќи ги Кина и Индија, најголемите и третите по големина увозници на нафта во светот, да купуваат повеќе сурова нафта од земјите на Блискиот Исток, Африка и САД. Ова ќе ги зголеми цените и трошоците за снабдување, очекуваат аналитичарите.