CES 2023: Volkswagen го најави новиот ID.7

31

Најновото возило во ID поставата на германскиот производител Volkswagen е луксузен и простран електричен седан

Volkswagen го избра Саемот за потрошувачка електроника (CES) во Лас Вегас за да го најави својот прв целосно електричен седан – ID.7. Производствената верзија на концептот ID.Aero ќе започне во вториот квартал на 2023 година. VW ја покри надворешноста на автомобилот со „паметна“ камуфлажа, но ја покажаа внатрешноста и објави детали за некои од техничките карактеристики на претстојниот модел.

 

 

Во однос на стилот, VW ID.7 изгледа многу слично на концептот ID.Aero од јуни 2022 година, задржувајќи ја својата аеродинамична силуета иако некои детали се намалени за производството. Тука се вклучени поедноставните единици за LED осветлување, поголемите капачиња на ретровизорите, редизајнираните браници и алуминиумските тркала со помал дијаметар.

Специјалната камуфлажа што VW ја користеше на ID.7 создава електролуминисцентни светлосни ефекти во различни бои, со графика инспирирана од QR-кодови. За да го постигне овој резултат, VW нанесе 40 слоеви боја со спроводливи или изолациони својства, овозможувајќи 22 области од каросеријата да бидат независно осветлени и да создадат специјално шоу кога се поврзуваат со звучниот систем.

Пространост и напредна технологија

За среќа, внатрешноста е целосно откриена, откривајќи го конечниот дизајн според производствените спецификации. Големиот 15-инчен екран на допир во стил на таблет со слободна поставеност за инфозабавата е комбиниран со мала дигитална инструмент табла и напредниот дисплеј со проширена реалност на VW. Сега се осветлени лизгачите на допир под екранот кои ги контролираат функциите за климатизација и јачината на звукот. Сепак, воланот ги задржува контролите чувствителни на допир кои наскоро ќе бидат заменети со обични копчиња во моделите на VW по повратните информации од клиентите.

Врв на ентериерот се дигитално контролираните „Паметни отвори за воздух“. Според VW, системот го препознава возачот од клучот и ја лади или загрева внатрешноста пред да влезе во возилото. Системот за климатизација може автоматски да го дистрибуира воздухот на големи површини или да го насочи протокот кон телото на патниците. Тие функции може да се активираат за секој патник преку централниот екран на допир или со користење гласовни команди.

Побрзо полнење и поголем опсег на движење

VW ID.7 е поставен на архитектурата MEB која е надградена на MEB+ за подолг опсег и побрзи стапки на полнење. Иако сè уште нема детални спецификации, се очекува моделот да се нуди во единечни и двојни електрични конфигурации, со голем пакет батерии монтирани на подот. Германскиот производител на автомобили го опишува моделот како „ефикасен електричен седан со способност за долг дострел“, најавувајќи проценет опсег до 700 километри врз основа на симулиран WLTP циклус.

VW исто така откри дека ID.7 ќе има меѓуоскино растојание од 2.969 мм. Ова е 94 мм подолго во споредба со Tesla Model 3 и 20 подолго од Hyundai Ioniq 6, од кои и двата се сметаат за ривали.

VW ID.7 ќе биде достапен на три континенти – Европа, Азија (Кина) и Северна Америка.

Неговото официјално лансирање е закажано за вториот квартал на 2023 година. За европските пазари, производството ќе се одвива во фабриката Емден во Германија заедно со ID.4. Електричниот седан ќе биде шестиот модел во гамата ID и еден од 10-те нови ЕВ што Volkswagen ќе ги лансира до 2026 година.

Преземено од Avtoplus.mk