Групацијата Др. Макс, објави дека станала најголем ланец во Европа по број на аптеки. Како што е наведено, тие влегле во втората половина од годината со повеќе од 3.300 аптеки, со заеднички инвестиции со други компании во повеќе од 580 други објекти.
„Пред 20 години, тргнавме со цел да ја направиме квалитетната здравствена заштита подостапна. Оттогаш, улогата на аптеката еволуираше многу подалеку од издавањето лекови. Фактот дека станавме најголемиот ланец на аптеки во Европа не е приказна за величина. Тоа е резултат на две децении посветена работа и континуиран развој, фокус на пациентите и посветеност да ја направиме здравствената заштита подостапна, прифатлива и релевантна на сите пазари на кои работиме“, рече Леонардо Ферандино, претседател и извршен директор на Групацијата Др. Макс.
Како што е објавено, „Д-р Макс“ ја заврши 2025 година со рекордни приходи од 6,3 милијарди евра, што е за 14,7 проценти повеќе од претходната година. Тие очекуваат да надминат седум милијарди евра приходи во 2026 година, објавува „Форбс Србија“. Исто така, се нагласува дека растот не е придонесен само од проширувањето на бизнисот, туку и од поголемата побарувачка од пациентите.
Tие се најголемиот ланец на пазарите во Чешка, Словачка, Романија и Италија и дека се меѓу трите водечки аптеки во Полска и Србија. Се додава дека „Д-р Макс“ од 2016 година бележи просечна годишна стапка на раст (CAGR) од околу 20 проценти.
Кога станува збор за плановите, исто така се наведува дека компанијата разгледува нови можности за проширување преку отворање нови аптеки, аквизиции и влез на нови пазари.
Во компанијата работат повеќе од 22.000 вработени, а групацијата има 13,2 милиони корисници на услуги.
