Hа валутните пазари, доларот зајакна во однос на кошничката валути трет ден по ред, бидејќи се смета за побезбедно засолниште за капиталот во неизвесни времиња.
Индексот на доларот, кој ја покажува вредноста на американскиот долар во однос на другите шест најважни светски валути, утрово се движи околу 99,28 поени, највисоко ниво во последните повеќе од три месеци, додека вчера во ова време беше 98,55 поени.
Во исто време, курсот на доларот во однос на јапонската валута се зголеми од вчерашните 157,30 на 157,60 јени.
Американската валута, исто така, зајакна во споредба со европската, па цената на еврото падна на 1,1590 долари, додека вчера во ова време беше 1,1670 долари.
Од почетокот на неделата, нафтата поскапе за 13 проценти
Цените на нафтата, од друга страна, значително пораснаа трет ден по ред поради прекините во снабдувањето од Блискиот Исток.
На лондонскиот пазар, цената на барелот се зголеми за 2,6 проценти, на 83,50 долари, додека на американскиот пазар, цената на барелот се зголеми за 2,2 проценти, на 76,20 долари.
Од почетокот на неделата, цените на „црното злато“ скокнаа за повеќе од 13 проценти.