Електричните возила не се единственото решение за намалување на емисиите на CO2

17

Електричните возила не се единственото ефикасно средство за намалување на емисиите на јаглерод произведени од автомобилската индустрија, изјави лидерот на италијанското здружение ANFIA, предупредувајќи дека електричната мобилност во Италија може да загрози повеќе од 70.000 работни места.

Други технологии, исто така, би можеле да помогнат во декарбонизацијата на индустријата, исполнувајќи ги истите цели, задржувајќи го знаењето, искуството и работните места во Италија, рече Паоло Скудиери, претседател на Здружението на италијански производители на автомобили.

„Мислам на можниот опиплив придонес на биогоривата и синтетичките горива и водородот“, објасни Скудиери, додавајќи дека италијанската автомобилска индустрија веќе инвестира многу во водород.

Биогоривата и синтетичките горива формираат категорија е-гориво и се развиваат за да овозможат континуирана употреба на модифицирани верзии на мотори со внатрешно согорување, наместо да се префрлат на комерцијални електрични возила (BEV).

Ексклузивно фокусирање на технологијата BEV, во која моментално доминираат азиските производители, би загрозила според него околу 73.000 работни места во Италија во наредните години, а електричната мобилност нема да ја компензира загубата бидејќи се проценува дека ќе создаде околу 6.000 нови работни места,  Скудиери додаде дека околу 450 производители на автоделови во Италија, од вкупно 2.200, би можеле да го стават клучот во бравата бидејќи сè уште не почнале да го пренасочуваат производството кон електричната технологија.

Европската комисија предложи да се намалат емисиите на јаглерод диоксид од автомобилската индустрија на нула до 2035 година, како дел од поголемиот пакет мерки за заштита на климата кои би ја спречиле продажбата на нови возила од фосилни горива во ЕУ.