Европската комисија (ЕК) одобри 134 транспортни проекти за кои ќе бидат доделени рекордни седум милијарди евра грантови за стратешки инвестиции во инфраструктурата.
Како што најави ЕК, околу 83 отсто од средствата ќе поддржат проекти кои ги исполнуваат климатските цели на Европската унија (ЕУ), подобрување и модернизирање на мрежата на ЕУ на железници, внатрешни водни патишта и поморски патишта долж Трансевропската транспортна мрежа ( TEN-T), известува Klix.
„Проектите поврзани со железницата ќе добијат 80 отсто од седум милијарди евра. Средствата ќе одат за големи проекти за подобрување на прекуграничните мрежи, вклучително и проектот Rail Baltica што ги поврзува балтичките земји, проектот Лион-Торино меѓу Италија и Франција и проектот меѓу Данска и Германија – тунелот “, соопшти ЕК.
Исто така, 20 поморски пристаништа во Ирска, Шпанија, Финска, Холандија, Германија, Малта, Литванија, Кипар, Грција, Полска и Хрватска ќе добијат пари за проекти.
Во однос на патниот сообраќај, ЕК најави дека лансирањето на кооперативни интелигентни транспортни системи и услуги (ITS) и создавањето на нови, безбедни паркинг места ќе ја зголемат безбедноста, како за поединци, така и за професионалци.
„Ова е најголемиот повик во рамките на програмата. Избраните проекти ќе помогнат да се трансформира европската транспортна мрежа. Посебно ме радува што се финансирани неколку проекти кои го поддржуваат дијалогот меѓу ЕУ и Украина“, изјави комесарот за транспорт, Вопке Хоекстра.
