Европската Унија нема да се откаже од своето право да донесува политички одлуки во преговорите со САД за да избегне повисоки царини за европски стоки, изјави претседателката на Европската комисија, Урсула фон дер Лајен.
„Секако дека зборуваме за царини, зборуваме и за нетарифни бариери како што се стандардите и нормите. Зборуваме, на пример, за стратешки набавки, зборуваме за сите овие теми“, рече фон дер Лајен по самитот ЕУ-Канада.
„Но, кога е засегнат процесот на суверено донесување одлуки во Европската Унија и нејзините земји-членки, тоа е премногу“, продолжи шефот на ЕК, додавајќи дека овој процес е „недопирлив“.
Нејзините изјави доаѓаат во време на шпекулации дека Вашингтон можеби врши притисок врз Брисел да го одложи спроведувањето на одредени закони, како што се законите за уништување на шумите и онлајн платформите, или да воведе исклучоци за американските компании.
