Европските лидери се согласуваат за важноста на развојот на вештачката интелигенција на Стариот континент, изјави словачкиот претседател Петер Пелегрини.
Пелегрини учествуваше на состанокот на лидерите на Европската унија во Елисејската палата во Париз, на кој се разговараше за вештачката интелигенција (АИ) од перспектива на европската конкурентност, соопшти Кабинетот на претседателот на Словачка.
На состанокот, на кој присуствуваше и францускиот претседател Емануел Макрон, се разговараше за недостатоците на Европа во областа на вештачката интелигенција и решенијата за подобрување на ситуацијата.
Фон дер Лајен: ЕУ ќе мобилизира 200 милијарди евра за инвестиции во вештачката интелигенција
Претседателката на Европската комисија, Урсула фон дер Лајен, денес најави инвестиции од 200 милијарди евра (над 206 милијарди долари), нагласувајќи ја амбицијата на Европа да стане водечка сила во вештачката интелигенција (АИ).Говорејќи на Самитот за акција за вештачка интелигенција во Париз, таа го истакна брзиот напредок во вештачката интелигенција, издвојувајќи го објавувањето на три нови моќни модели во изминатата година.
„Трката за вештачка интелигенција е далеку од завршена“, рече таа, додавајќи дека нивната цел е да мобилизираат 200 милијарди евра за инвестиции за вештачка интелигенција во Европа.
Претседателката на Европската комисија, исто така, зборуваше за важноста на Законот за вештачка интелигенција, кој треба да обезбеди унифициран сет на безбедносни правила низ Европската Унија, заменувајќи 27 различни национални регулативи.
Таа ја призна потребата да се поедностават процесите и да се намалат бирократските пречки за да се олесни развојот на вештачката интелигенција.