Германската влада планира да продаде околу една четвртина од својот 20 процентен удел од акциите во Lufthansa во наредните недели, објави денеска германската финансиска агенција, повикувајќи се на позитивните деловни трендови на таа авиокомпанија.
Акциите на Lufthansa паднаа за 4,9 % на 8,81 евра во утринското тргување, пренесува Ројтерс.
Државата се здоби со 20% сопственички удел за 300 -те милиони евра како дел од помошта за спасување на германската авиокомпанија, која, како и целиот воздухопловен сектор во светот, беше погодена од кризата со корона вирусот.
Фото: Pixabay
