Американскиот производител на електрични автомобили Тесла објави дека во првиот квартал од оваа година, од јануари до март, продал 336.681 возило, што е за 13 отсто помалку од истиот квартал лани.
Тоа е најслабиот учинок на компанијата во речиси три години, а акциите на Tesla паднаа за шест отсто по оваа вест, пренесува Reuters.
Продажбата на Tesla на клучните европски пазари повторно падна во март, при што продажбата во Франција и Шведска падна трет месец по ред.
Аналитичарите сè уште не се сигурни колку точно бојкотот влијаел на падот на продажбата, а колку други фактори. Пазарот на електрични возила како целина забавува, а моделот Y на Tesla – најпродаваниот автомобил на компанијата – забележува послаба продажба додека клиентите ја чекаат неговата освежена верзија, која пристигнува подоцна оваа година.
Производителот на електрични возила од Остин, Тексас неодамна изгуби дел од својот удел на пазарот за конкурентите чии понуди стануваат сè поконкурентни. Меѓу нив е и кинескиот BYD кој во март претстави технологија која овозможува полнење на батеријата за само неколку минути.