Фото: Pixabay
Невербалната комуникација понекогаш кажува многу повеќе од зборовите. Она што ќе се каже може да не биде сосема точно, но тука се несвесните движења и гестикулации што ги издаваат вистинските чувства и мисли.
Опуштено седење/стоење
Најчесто ова е знак за непочитување. Укажува дека на личноста ѝ е здодевно и не сака да биде онаму каде што е во моментот.
Прекрстени раце/нозе
Ако рацете се прекрстени и во одредени ситуации и нозете, индивидуата не е многу убедена во тоа што го кажува соговорникот. Дури и ако се смее и изгледа заинтересирано она што го кажува говорот на телото е недоверливост.
Претерано климање со главата
Ова најчесто се поврзува со вознемиреност поврзана со одобрување на нешто. Ако некој често го прави тоа дури и кога не е соодветно со ситуацијата, алармира дека не го разбира тоа што го слуша и се обидува да го прикрие тој факт.
Слаб/силен стисок при ракување
Слабиот стисок значи дека на личноста ѝ недостасува самодоверба, додека силниот укажува на некој кој сака да доминира и не ретко пројавува агресивно однесување.
Потегнување на вратоврската/блузата
Потегнување на вратоврската или било кој дел од облеката околу вратот демонстрира лутина, гнев, фрустрација од нешто.
Чешање на очи/лице/глава
Овој гест може да има две значења, длабоко размислување или смислување на лага. Понекогаш е тешко да се одреди точното значење, но во зависност од ситуацијата и индивидуалецот може да се процени.
Триење на дланките
Оваа личност очекува позитивен исход од некоја ситуација и оптимистички е расположена.
Допирање/местење на ракав
Доколку некој го мести својот ракав, тоа го прави во обид да ја потисне својата вознемиреност во моментот.
Гестикулација со раце/дланки
Мали и контролирани гестикулации со рацете укажуваат на лидерство и самодоверба. Широко раширени раце и отворени дланки велат дека личноста ја кажува вистината и нема што да крие.