Грчката влада ќе го прекине издавањето или обновувањето на дозволите за престој за инвестициски цели за граѓаните на Руската Федерација.
Ова го изјави грчкиот министер за миграција и азил Нотис Митарачи, пренесува gtp.gr.
Позната како програма „златна виза“, таа обезбедува петгодишна дозвола за престој на инвеститорите кои купуваат имот во вредност од најмалку 250.000 евра. Во текот на 2021 година издадени се вкупно 576 „златни визи“ на руски купувачи, што е скок од цели 79 отсто во однос на претходната година, пишува грчкиот портал.