Дури 45 отсто од хрватските граѓани тешко ги подмируваат основните животни трошоци, што ја става Хрватска меѓу земјите од ЕУ со најлоша финансиска состојба за населението, покажува најновото истражување на Европскиот фонд.
Во полоша позиција се само Грците, дури 55 отсто од испитаниците изјавиле дека едвај врзуваат крај со крај.
Меѓу земјите каде што голем дел од населението чувствува силен финансиски притисок се Летонија и Естонија, по 41 отсто, Унгарија и Кипар, 40 отсто, додека просекот на ЕУ е 32 отсто.
Од друга страна, најдобри услови имаат жителите на Луксембург, каде само 17 отсто од граѓаните пријавуваат финансиски тешкотии, додека Германија, Холандија и Австрија се исто така меѓу земјите со помал удел на оние кои се борат да ги покријат основните трошоци.