Холандските организации за заштита на потрошувачите објавија дека имаат намера да поднесат тужба против дигиталната платформа за резервации на сместување Booking.com, тврдејќи дека ги „надувува“ цените на хотелскиот смештај од 2013 година.
Во среда, Фондацијата за барања за заштита на потрошувачите (CCC) и Здружението на потрошувачи ги повикаа граѓаните, кои претрпеле штета поради таквата практика на Booking.com, да им се придружат.
Booking.com со години наплаќа претерани цени за хотелски соби, што им предизвика штета на холандските потрошувачи од „неколку стотици милиони евра“, според здруженијата.
„Нашето истражување покажа дека Booking.com ги крши прописите за конкуренција на пазарот и заштита на потрошувачите од јануари 2013 година“, рече претседателот на CCC, Берт Хајкенс.
Booking.com молчи
Booking.com не одговори веднаш на барањето на Ројтерс за коментар за обвинувањата на организациите на потрошувачи.
Во договорите со интернет платформите за резервација на сместување, хотелите често се обврзуваат да не нудат пониски цени на своите веб-страници, како и на конкурентските платформи, прифаќајќи го принципот на паритет на цените.
Фото: Pixabay