Расположението во германските хемиски компании благо се подобри на месечна основа во февруари. Индикаторот, пресметан од Минхенскиот институт за економски истражувања Ifo, се зголеми од -25,6 поени во јануари на -18,5 поени во февруари.
Пред сè, очекувањата се подобрени, но од друга страна, повеќе хемиски компании се незадоволни од моменталната состојба отколку во јануари, истакна експертот за Ifo, Ана Волф.
Според Волф, причина за полошата проценка на моменталната состојба е послабата побарувачка и падот на бројот на нарачки. „Помалку хемиски компании планираат да ги зголемат цените. Тоа може да ја поттикне побарувачката, но уште повеќе ќе ја оптоварува нивната и онака оптоварена заработка, доколку не ги префрлат производните трошоци целосно на клиентите“, оцени таа.
Сепак, понудата на производи за средна употреба значително се подобри во февруари, бидејќи само 17,4 отсто од компаниите пријавиле тесни грла. Тој удел беше највисок во декември 2021 година, кога беше 73 проценти, според Ifo.
