Според најновиот индекс на поврзаност на OAG, аеродромот Истанбул во Турција го зазеде првото место за 2026 година, надминувајќи го лондонскиот Хитроу.
Од 50-те најповрзани аеродроми во светот, 12 од нив се наоѓаат во Европа, додека дури пет од десетте најдобри авијациски центри во светот се во Европа.
Рангирањето се базира на бројот на можни врски помеѓу дојдовни и појдовни летови во временски период од шест часа во најпрометниот ден од годината, недела, 2 август, како и бројот на дестинации опслужени од тој аеродром.
Истанбул, кој е осмиот најпрометен аеродром во светот во однос на капацитетот, има можност да се поврзе со 337 дестинации низ целиот свет, пишува Фена.
Лондонскиот Хитроу падна за едно место, при што бројот на потенцијални врски е намален за шест проценти во споредба со најпрометниот ден минатата година. OAG наведува дека аеродромот е погоден од континуирани прекини во распоредот на летови кон Блискиот Исток, поради што неговиот капацитет кон тој регион е намален за 25 проценти во август.
Меѓу 50-те најповрзани аеродроми во светот се наоѓаат вкупно 12 европски аеродроми, вклучувајќи ги Мадрид Адолфо Суарез-Барахас (18-ти), Истанбул Сабиха Гокчен (21-ви), Атина (22-ри), Минхен (23-ти), Рим Фјумичино (27-ми), Барселона (41-ви) и Цирих (45-ти).
Десетте најповрзани аеродроми во светот:
1. Аеродром Истанбул, Турција
2. Аеродром Лондон Хитроу, Обединето Кралство
3. Аеродром Амстердам Шипхол, Холандија
4. Меѓународен аеродром Куала Лумпур, Малезија
5. Меѓународен аеродром Чикаго О’Хара, САД
6. Меѓународен аеродром Сеул Инчон, Јужна Кореја
7. Меѓународен аеродром Франкфурт, Германија
8. Меѓународен аеродром Токио (Ханеда), Јапонија
9. Аеродром Шарл де Гол Париз, Франција
10. Меѓународен аеродром Хартсфилд-Џексон Атланта, САД