Туристичките агенции и интернет страници помагаат во планирање на патувањето, но калифорнискиот старт – ап Jubel нуди поинаков начин на мистериозно патување.
Со канцеларии во Калифорнија и Мексико и услуги коишто ги нуди во целиот свет, оваа компанија на клиентите им овозможува необичен одмор. Персонализираните патувања Jubel ги прави врз основа на одговорите кои клиентите ги оставаат во нивниот прашалник.
Нудат шест патувања: културно, забавно, морско, активно во природа, лежерно во природа и патување како комбинација на сите наведени.
Откако ќе се избере една од понудените опции, праќаат уште еден прашалник во којшто клиентот треба да наведе кои места би сакал да ги посети, кое време и со каков превоз.
Кога ќе се направи анализа на податоците, пред патувањето на клиентот му пристигнува запечатен коверт. Во него има карта за патување и информации за хотелот, а откако ќе стигне на одредената дестинација, клиентот добива информации за испланираните активности.
