Aко сте љубител и колекционер на Лего коцки, тогаш знаете колку напорно може да биде нивното сортирање. Јутуберот Даниел Вест одлучил да го реши овој проблем, креирајќи машина со вештачка интелигенција којашто совршено ги распоредува Лего делчињата.
Вест својот проект за креирање на машина што може да ја препознае било која Лего коцка, го започнал кога и самиот се нашол пред кутија коцки кои, како што вели, не би можел рачно да ги собере ни за 20 години.
Две години работел на проектот за овој месец во јавноста да ја претстави универзалната Лего машина за сортирање. Неговата машина може да сортира коцки во 18 различни делови, на секои две секунди една по една.
Фото: Youtube
