Фото: Pixabay
Клучните вработени се оние кои ја завршуваат работата без да прават “драма“. Менаџерите ги ценат клучните вработени, но за да бидете таков тип, потребно е вложите многу труд и да направите баланс помеѓу работата и приватниот живот. Ако сакате да бидете “главни“, а да не се чувствувате исцрпено, овие неколку совети ќе ви помогнат во реализирањето на оваа цел и да утврдите што треба да подобрите.
Аплицирајте за позицијата којашто ја сакате
Наоѓањето на вистинската работна средина е од суштинско значење не само за воспоставување на рамнотежа помеѓу работата и приватниот живот, туку и во ефикасноста на работењето. Вработениот е најефикасен кога е на позицијата на којашто сака да биде. Работата не треба да биде единствениот фокус во животот, но важно е да имате работа во којашто ќе уживате, а тоа ќе придонесе да се чувствувате помалку исцрпени и полесно да се справите со стресни ситуации.
Понесете ентузијазам на работа
Некои личности внесуваат “светлина“ кога влегуваат во работната просторија. Ваквите личности се многу ценети во компаниите. Важно е да внесете ентузијазам и енергичност во справување со нови задачи и предизвици. Тоа, исто така, може да им помогне на соработниците да ги прифатат предизвиците со повеќе енергија.
Не бидете “опседнати“ со пофалбите
Клучните вработени не се грижат само за добивање на пофалби за нивните достигнувања. Тие сакаат успешно да ја завршат работата и не се грижат кој ќе ја преземе заслугата. За нив добивањето и остварувањето на работата е доволно. Менаџерите ги ценат работниците кои сметаат дека добро завршената работа е главната награда за нив.
Соработка со колегите
Во секоја работна средина постојат тензии, кои може да бидат исцрпувачки. Некои работници може да имаат проблем во изразувањето на своите мислења и ставови за одреден проблем. Клучниот вработен ја знае важноста на меѓусебната соработка и вложува максимални напори за постигнување на успех на тимот.
Одржување на одговорност
Некои вработени ја преминуваат линијата или одговараат за прашања за кои немаат доволно знаење. Клучниот знае кога го има вистинскиот одговор, а препознава кога го нема. Тие не само што го знаат нивното место, туку ја знаат и нивната улога. Намалете го притисокот држејќи се подалеку од области кои не се ваша грижа и надлежност и ќе бидете посреќни.
