Како да препознаете емоционален манипулатор

306

kukli

Фото: Pixabay

Емоционалните манипулатори ѝ пркосат на логиката. Тие постигнуваат задоволство преку контролирање и создавање хаос. Mоже да ви ја уништи самодовербата и да влијае врз вашиот разум. Препознавањето на ваквите деструктивни личности е многу тешко бидејќи се многу искусни во нивното делување. Почнуваат со суптилни манипулации и со тек на време ги зголемуваат, а вие не сте свесни што се случува. Емоционалните манипулатори може лесно да ги препознаете ако ги знаете нивните особини, пишува Entrepreneur.

Тие ја поткопуваат вербата за вашето разбирање на реалноста

Емоционалните манипулатори се квалификувани лажговци. Тие велат дека не се случил никаков инцидент кога ќе се случи и инсистираат дека нешто преземале или рекле кога не го направиле тоа. Проблемот е во тоа што тие се толку добри во манипулирањето што предизвикува преиспитување на вашиот здрав разум.

Нивното делување не се совпаѓа со нивното зборување

Манипулаторите ќе ви го кажат она што сакате да го чуете, но нивните акции се поинаква приказна. Тие ветуваат поддршка, но кога ќе дојде време да го остварат ветеното се однесуваат како вашите барања да се неразумни. Ќе ви кажат дека се среќни што ве имаат, а потоа се однесуваат како да сте им товар. Ова е само уште еден начин да ја поткопаат вашата самодоверба и здравиот разум.

Никогаш не преземаат одговорност

Кога станува збор за емоционалните манипулатори, ништо не е нивна вина. Без разлика што прават или не прават, вината е секогаш кај друг. Овие луѓе не преземаат одговорност за ништо. Ако се вознемирите или налутите, тоа е ваша вина бидејќи имате неразумни очекувања.

Брзи се на зборови и дела

Без разлика дали станува збор за личен или деловен однос, емоционалните манипулатори прескокнуваат неколку чекори. Тие споделуваат многу брзо и рано, а тоа го очекуваат и од вас. Прикажуваат лажна ранливост и чувствителност и сакаат да се чувствувате “специјално“, за да ве придобијат.

Ги знаат сите ваши слаби точки

Тие ги знаат сите ваши слаби точки и го искористуваат тоа против вас. Доколку се чувствувате загрижено за престојната презентација, тие ќе ви истакнат дека присутните изгледаат многу строго.

Запомнете, никој не може да манипулира со вас без ваша дозвола и согласност.