Без разлика дали станува збор за обичен разговор или презентација, секогаш имате потреба да бидете слушнати и послушани. Експертите советуват да се оди по следниов редослед.
Задржете им го вниманието
Секогаш кога започнувате одредена презентација или разговор, користете моќни зборови, приказна, емоционално видео, шеги и слично. Притоа, поставете и некое прашање… соговорникот или публиката ќе бидат заинтересирани од самиот старт.
Кредибилитет
Докажете преку своите минати постигнувања, знаења и успеси дека сте доволно квалификувани да зборувате на одредена тема, односно да презентирате одреден производ или услуга.
Таргетирање на проблемот
Споменете го проблемот што соговорникот или публиката го има и посечете им дека истиот мора да се реши. Понекогаш слушателите не се ни свесни дека истиот постои, но тука сте вие коишто за кратко ќе им презентирате и решение.
Претставување на решение
Откако луѓето ќе станат свесни за проблемот, вие го нудите решението, со сите негови бенефиции. На тој начин ќе го добиете вниманието што го барате, а луѓето ќе ја споделат информацијата дека сте личност којашто знае да комуницира и презентира.
Фото: Pexels
