Кина проверува содржини на Интернет што ја критикуваат нејзината економија

11

Официјален Пекинг започна двомесечна кампања за испитување на комерцијалните платформи и сметки на социјалните мрежи, кои објавуваат економски информации, во обид да ги „исчисти медиумите од содржини што ја критикуваат кинеската економска политика“, пишува Russia Today.

Кинеската национална администрација за сајбер -простор започна акција на „специјална корекција“ насочена кон илегални набавки и погрешно толкување на финансиските информации. Агенцијата ги повика платформите за социјално вмрежување да ја проверат финансиската содржина што ја објавуваат, што „ги крши кинеските прописи“.

Главните кинески регулаторни агенции ќе ги следат и ќе ги водат потезите, фокусирајќи се на осум видови прекршувања. Ова вклучува „злоупотреба“ на кинеските финансиски пазари и „погрешно толкување“ на домашната економска политика, ширење финансиски гласини и „негативни информации за закани, заплашување, уцена на релевантните актери и потрага по незаконски придобивки“. Оние што повторно објавуваат написи или коментари од странски медиуми за кои се смета дека погрешно ја толкуваат финансиската политика на Кина „без да заземат став или да донесат пресуда“, исто така, ќе се сметаат за прекршители.

Кинескиот регулатор тврди дека овие прекршувања „го нарушуваат нормалниот пазарен поредок“ во земјата, наведувајќи дека корективните мерки „ефикасно ќе го смират хаосот на финансиските информации на Интернет и ќе создадат добра средина за јавно мислење преку Интернет за здрав економски и социјален развој“.

Кинеските интернет гиганти, вклучително и Тенсент и БајтДенс, кои управуваат со социјални платформи како што се WeChat, Douyin (оригинално име TikTok), Weibo, Toutiao и Kuaishou – реагираа веднаш на веста. Тие издадоа изјави во кои ветуваат дека ќе се придржуваат кон новите прописи и ќе извршат обемни проверки на финансиската содржина во согласност со барањата на администрацијата за сајбер-простор.

Акцијата ќе трае до 26 октомври, кога сите медиумски платформи ќе ги достават резултатите од нивните проверки до властите, и доколку не го исполнат тоа, ќе ризикуваат да се укинат на кинеска територија, пишува РТ.