Фото: Pexels
Сакаме да успееме, сонуваме за тоа. Но, најчесто стоиме во место и чекаме успехот сам да ни дојде.
Што е тоа што нè спречува да одиме напред? Тоа сме ние самите и трите препреки што МОЖЕ да се поминат.
Стравот е една од најчестите препреки до успехот. Речениците од типот “А, што ако згрешам…”, “Се плашам да не ме отпуштат…” можат да бидат една од причините зошто вашата кариера не се движи во нагорна линија.
Ослободете се од стравот и проверете што е она најлошото што може да ви се случи доколку преземете иницијатива и стартувајте со полна пареа.
Ќе се уверите дека повеќе негативни последици ќе има ако не преземете ништо, отколку ако се обидете да ја претворите можноста во шанса.
Недовербата е, исто така, проблем што на сличен начин му пречи на успехот и го парализира чувството на сигурност и верба.
Кога некој постојано го употребува истиот изговор “Немам јас таков авторитет…”, “Немам поддршка…” или “Не можам тоа да го направам…” и сами можете да препознаете знаци за неуспех. Успехот е нешто што смело треба да се земе, а не да се чека некој да ви го понуди.
Неуспехот е третата најголема препрека која може да го запре напредувањето. Доколку ви се случило да направите погрешен чекор или да бидете спречени да ги покажете вашите способности во најдобро светло, не значи дека успехот ќе изостане.
Успехот се должи на трудот и перцепцијата на своите умеења. Единствено со позитивен став можете да опстане. Ако верувате дека сте способни и знаете што треба да направите, успехот ви е на дофат. Единствено треба да имате желба да го постигнете.
