Почнувајќи од 2029 година, годишните доделувања на наградите „Оскар“ на Академијата за филмска уметност и науки повеќе нема да се емитуваат на ABC и ќе бидат емитувани во живо на YouTube, откако Академијата за филмска уметност и науки склучи ексклузивен повеќегодишен договор со платформата за видео стриминг во сопственост на Google.
Како што објави NBC News, договорот помеѓу Академијата за филмски уметности и науки и YouTube ќе започне со 101-та церемонија на доделување на наградите Оскар во 2029 година и ќе трае до 2033 година.
„Возбудени сме што влегуваме во разновидно глобално партнерство со YouTube за да биде идниот дом на Оскарите и нашата целогодишна програма на Академијата“, изјавија во заедничка изјава извршниот директор на Академијата, Бил Крамер, и претседателката на Академијата, Линет Хауел Тејлор.
Како што велат, Академијата е меѓународна организација и ова партнерство ќе ѝ овозможи да го прошири пристапот до работата на Академијата до најголемата можна глобална публика, што ќе биде корисно и за членовите на Академијата и за филмската заедница.