Регулацијата и надзорот се клучни за стабилноста и отпорноста на финансискиот систем, изјави денес претседателката на Европската централна банка (ЕЦБ), Кристин Лагард.
За време на својот говор во Амстердам, таа потсети дека ненадејните промени на каматните стапки, или во насока на зголемување или намалување, можат да го загрозат банкарскиот систем и да предизвикаат зголемување на финансиските ризици, што, како што изјави, беше забележано за време на американската криза на штедни и кредитни институции во 1980-тите и глобалната финансиска криза во 2008 година.
Според неа, искуството од последните години покажа дека строгата регулација и мерките за стабилност на финансискиот систем помагаат во зачувувањето на стабилноста и им даваат слобода на централните банки да ја фокусираат монетарната политика на целната инфлација.