Шведскиот производител на мебел IKEA преку овогодишното издание на EXPO Milano го претстави концептот на кујна на иднината.
Кујната е наречена Concept Kitchen 2025, а IKEA ја создаде заедно со дизајнерската компанија IDEO London и група студенти.
Според нивната замисла, кујната ќе има маса што истовремено ќе биде и шпорет. На неа ќе може да се работи, јаде и готви во истовреме.
Фрижидерот нема врата, а за потребната температура е одговорен специјален систем за ладење вграден во полиците. Идејата е секогаш да знаеме што има во него, па да не се случи да купиме работи што веќе ги имаме.
Кујната има два мијалника, едниот за вода што оди директно во канализација, а другиот за вода што може повторно да се искористи, на пример, за машината за садови или за полевање на саксиските цвеќиња.
Специјален систем за отпад ќе го сортира ѓубрето во неколку категории како скршено, вакумирано и слично.
