Дронови, автомобили без волан за управување, роботи, балони што обезбедуваат интернет… Ова се само дел од изумите на кои свој потпис стави технолошкиот гигант Google. Најновиот изум на компанијата е паметна лажица што ќе им биде од голема корист на лицата кои имаат проблеми со тресење на рацете, пишува Гардијан.
Google ја започна промоцијата на лажицата Liftwave, која особено им помага на постарите лица и на оние кои имаат проблеми со Паркинсовата болест за да можат без никаков проблем да уживаат во нивниот оброк.
Liftwave, според компанијата, може да го намали тресењето на лажицата во просек за 76%.
Од Паркинсова болест се заболени околу 10 милиони луѓе низ целиот свет, вклучувајќи ја и мајката на коосновачот на Google, Сергеј Брин. Тој, освен овој пронајдок, донирал повеќе од 50 милиони долари за истражувања чија цел е пронаоѓање на лек за оваа болест.
Liftwave лажицата е достапна по цена од 295 долари.
