Најава за нови инвестиции од неколку милиони евра и над 1.000 вработувања

209

Директорот на Агенцијата за странски инвестиции и промоција на извозот, Дејан Павлески денеска најави дека во земјава ќе биде отворена првата фабрика за чипс. Во тек се, рече Павлески и контакти со неколку други компании за кои е извесно дека ќе инвестираат.

Според него, има преговори и со компанија во делот на аутомотив индустријата чија инвестиција се проценува на повеќе милиони евра и која треба да отвори над 1.000 вработувања. Исто така е извесно дека до крајот на годината ќе почне со работа и компанија од услуги и сервиси која ќе отвори нови 500 вработувања со солидни плати.

“Сакам да испратам една охрабрувачка порака, дека економијата полека се враќа во нормален тек. Сепак, сè зависи од случувањата на светско ниво поради пандемијата. Покажавме отпорност како економија и мислам дека сме на добар пат. Има доста заинтересирани инвеститори, нашата држава е препознаена како добро подрачје за инвестиции кое нуди многу поволности. Во тек се неколку инвестиции, но имаме контакти и со неколку компании за кои е извесно дека ќе инвестираат. Може да најавам нова фабрика за чипс која ќе биде прва и единствена во нашата држава, друга во Битола ќе инвестира пет милиони евра во проширување на своите капацитети со над 100 нови вработувања, ќе го развиваат својот центар за истражувања и развој“, истакна Павлески.

Иако имаше црни сценарија, минатата година, заврши со 206 милиони евра странски инвестиции. Тоа е за околу 15% повеќе во споредба со 2017 година, додаде Павлески.

Фото: Pixabay