“Успехот ме одбегнува“ или “Немам среќа“ се реченици што неретко ги слушаме од одредени луѓе. Зошто едни се успешни, а други не?
Лошо менаџирање со времето
Време има, но само доколку паметно се распредели. Времето треба да се “троши“ за целта што сакате да ја постигнете. Ако лутате бесполезно ништо нема да постигнете. Успешните луѓе имаат добро развиена вештина за менаџирање со часовите, минутите, деновите…
Движење во непродуктивна насока
Колку e поважна целта, толку поголемо значење треба да ѝ се придаде, заедно со дисциплина за нејзино оствaрување. Оние кои не можат да успеат често се движат во погрешна насока и прават работи што не се поврзани со нивните вредности и замисли.
Самоограничување
Успехот ги одминува оние што сами си поставуваат ограничувања. “Не сум добар/ра во она… Не ме бидува за тоа.. Не можам да водам бизнис… “ се само изговори. Не смеете сами да се потценувате и да мислите дека не сте доволно способни. Животот се состои од искористување на најдоброто што го имате, за да направите најмногу што можете за себе и останатите.
Одложување
Постојано одложување на работите не оди во прилог на успешноста. Животот и можностите се случуваат овде и сега, утрешниот план може да не се оствари. Искористете ја секоја можна минута да бидете макар малку продуктивни, не знаете дали ќе имате шанса следниот ден.
Немање храброст
Оние нешта што ни “стојат на патот“ и што ни претставуваат предизвик се онолку несовладливи колку што ќе им дозволиме. Со секој надминат проблем стануваме сè посилни и откриваме дека можеме многу повеќе. Треба само да соберете храброст и да верувате.
Фото: Pixabay
