Фото: Pixabay
Погледнете според кои принципи се дефинира идниот менаџер, според Forbes.
Менаџерот е лидер
Менаџерот мора да биде лидер кој ќе ги заслужи своите следбеници со однесувањето, карактерот, идеите и целите, а не со командување и заплашување. Менаџерската позиција треба да се заслужи, а не само да се даде.
Се грижи за вработените
Тој/таа има задача да ги “отстранува” пречките кои стојат на патот на вработените. Менаџерите постојат за да ги направат своите вработени поуспешни, а не од нив да направат свои слуги.
Се разбира од технологија
Менаџерот треба да знае од кои технологии нивната компанија ќе има корист и истите да ги имплементира во работењето.
Води со својот пример
Тој/таа е првата личност која ќе прифати нов концепт, правила, нова технологија, ќе демонстрира нови принципи на однесување. Менаџерот не може да води со делегирање и наредби, менаџерот води со демонстрирање.
Ја прифаќа ранливоста
Барањето помош, признавањето на сопствената грешка или незнаење е нормална работа за идниот менаџер. Тој/таа не треба да прави проблем доколку мислењето на некој од вработените не се вклопува со неговото/нејзиното. Кога станува збор за идниот менаџер, сите стереотипи што некогаш постоеле, сега не важат.
Поттикнува
Нови идеи, поттикнувачки разговори, екперименти… менаџерот е тој што треба постојано да ги поттикнува своите вработени да бидат храбри и инвентивни.
Верува во колективна интелигенција
Менаџерот го прифаќа фактот дека како единка нема да биде секогаш во состојба да ги реши проблемите и да има одговор на сите прашања. Тој/таа верува во колективната интелигенција на тимот и знае дека повеќе глави мислат подобро од една.
