Швајцарската прехранбена компанија Nestle им обезбеди на САД дополнителни 1,5 милиони кутии со формула за новороденчиња за да го ублажи недостигот, соопшти американската Администрација за храна и лекови (ФДА).
Од јули до октомври, Nestle ќе испрати Gerber Good Start Gentle од Мексико во САД, благодарение на релаксираните регулативи за увоз, а од јуни до октомври NAN Supreme Pro 1 и Supreme Pro 2 од Германија.
Од летото, на американскиот пазар ќе бидат достапни околу 1,3 милиони кутии Gerber Good Start Gentle со тежина од околу 1,1 милион килограми и речиси 250.000 кутии NAN Supreme Pro 1 и Supreme pro 2 со тежина од околу 800.000 килограми.
Случаи на смрт на доенчиња
Американското Министерство за здравство и човечки услуги сега ја проценува можноста за испорака на храна во САД што е можно поскоро, соопшти ФДА.
Во мај, Nestle испорача Gerber Good Start Extensive од Холандија и Alfamino од Швајцарија во САД, нагласувајќи дека овие производи се приоритет бидејќи се наменети за бебиња алергични на протеини од кравјо млеко.
Компанијата потоа додаде дека фабриките за адаптирано млеко за доенчиња работат со полн капацитет, нагласувајќи дека ја подобрила нивната достапност до трговците на мало, онлајн продавниците и болниците.
Понудата на приспособено млеко за доенчиња во САД опадна во февруари откако Abbott Nutrition, најголемиот американски производител, ја затвори фабриката во Мичиген и ги повлече најпопуларните формули поради бактериска контаминација поврзана со смрт кај бебињата.
Различни држави испраќаат храна за бебиња во САД
За да се реши проблемот со недостигот, ФДА ги повика производителите ширум светот да извезуваат храна за бебиња во САД.
Британскиот Kendal Nutricare испрати околу два милиони кутии Kendamil во САД до јуни.
Белата куќа неодамна објави дека повеќе од осум милиони шишиња храна за бебиња Bubs Australia од Австралија и Kendamil од Обединетото Кралство ќе пристигнат на летовите на United Airlines.
Американски воен авион неодамна испорача 39.000 килограми приспособена храна за бебиња од Германија во Индијанаполис, забележува ДПА.
