Јапонскиот производител на автомобили Нисан денеска објави дека го назначил поранешниот главен директор за планирање Иван Еспиноза за нов извршен директор на компанијата.
Еспиноза ќе ја преземе лидерската позиција на 1 април, додека актуелниот извршен директор Макото Учида формално ќе остане на функцијата до јунскиот состанок на акционерите на компанијата, се додава во соопштението.
Nissan се бори со слабата продажба на главните пазари, САД и Кина, а неговиот профит падна за повеќе од 90 отсто во деветте месеци до февруари, пишува Kyodo.