Наскоро ќе имаме асфалт кој сам ќе ги закрпи дупките. Барем така тврдат истражувачите од Универзитетот Свонси и Кралскиот колеџ во Лондон. Во соработка со чилеанските научници, тие развија иновативен материјал за решавање на проблемот со пукнатините и дупките на патот.
За време на истражувањето, вештачката интелигенција беше искористена за проучување на органски молекули во сложени течности како што е битуменот. За да направат само-крпење на асфалтот, научниците користеле ситни порозни материјали наречени спори. Тие се помали од влакно и се направени од растенија. Спорите се полни со рециклирани масла, кои се ослободуваат кога асфалтот почнува да се распаѓа. Така се крпат пукнатините.
Дупките, честопати предизвикани од истекување на вода и замрзнување во пукнатините на асфалтот, предизвикуваат значителни оштетувања на возилата и бараат скапи поправки. Лабораториските испитувања покажуваат дека новиот асфалт може целосно да ги поправи малите пукнатини за помалку од еден час и да спречи создавање на поголеми дупки. Ова не само што ветува побрзи поправки, туку и поодржлив пристап кон изградбата на патишта.
– Користењето одржливи материјали како отпадот од биомаса ќе ја намали нашата зависност од нафта и природни ресурси – вели др. Франциско Мартин-Мартинез од Кралскиот колеџ во Лондон.
Иако се потребни дополнителни истражувања и инвестиции, научниците веруваат дека животниот век на патиштата може да се продолжи и до 30 отсто со нови материјали, пренесува Ревија Хак.