Со цел да се соберат повеќе пари за итни реставраторски работи, градскиот совет на Париз гласаше за зголемување на цената за влез во Ајфеловата кула. Влезниците за возрасни следниот месец ќе поскапат за 20 отсто.
За возење со лифт до врвот на Ајфеловата кула посетителите во моментов треба да платат 29,40 евра, но според одлуката на градските советници од петок цената ќе се искачи на 35,30 евра на 17 јуни.
Градскиот совет на Париз, исто така, ја поддржа докапитализацијата на операторот на Ајфеловата кула Сете и ја намали годишната такса што ја наплаќа од операторот за управување со една од најпознатите туристички атракции во светот.
Помалку посетители за време на пандемијата „Ковид-19“, во комбинација со вртоглаво зголемените трошоци за реновирање, ја турнаа Сете длабоко во црвено, објави француската новинска агенција АФП.
За време на пандемијата, Ајфеловата кула забележа загуба на приход од околу 120 милиони евра во 2020 и 2021 година, пресметаа тие. Минатата година, бројот на посетители се врати на речиси шест милиони, откако падна на само 1,5 милиони во 2020 година.
Откако е изградена за Светскиот саем во 1889 година, ремек-делото на архитектот Густав Ајфел е реплицирано 19 пати. Во тоа време, Ајфел препорачал кулата да се пребојува на секои седум години за да се избегне неизбежната ‘рѓа. Сепак, железната конструкција висока 300 метри не е целосно обоена од 2010 година.
