ОН: Светската економија ќе расте со најбрзо темпо во последниве 50 години

12

Глобалната економија се очекува да закрепне најбрзо во последниве скоро пет децении оваа година, но продлабочувањето на нееднаквоста меѓу напредните и земјите во развој се заканува да го поткопа тоа, предупредија ОН.

По намалувањето од 3,5% минатата година, светскиот бруто домашен производ најверојатно ќе се зголеми за 5,3% во 2021 година поради „радикалните“ политички интервенции и успешното, ако не и целосно ширење на вакцините во развиените економии, се вели во извештај на Конференцијата на Обединетите нации за трговија и развој (Unctad), објавена оваа недела.

Експанзијата може да забави до 3,6% следната година, со проектираната кумулативна загуба на приход од 2020 година да достигне 13 трилиони долари, се вели во извештајот.

Многу земји на јужната хемисфера беа особено погодени за време на пандемијата, а фискалните ограничувања, недостатокот на монетарна автономија и слабиот пристап до вакцините против Ковид-19 може да го зголемат економскиот стрес за земјите во развој.

„Овие растечки пропусти, и домашни и меѓународни, не потсетуваат дека главните предизвици, ако не се контролираат, ќе ја направат одржливоста и растот луксуз во кој ќе уживаат се помалку привилегирани луѓе”, рече Генералната секретарката на Unctad, Ребека Гринспен.

„Без похрабри политики што одразуваат зголемен мултилатерализам, закрепнувањето од пандемијата нема да има правда и нема да одговори на предизвиците на нашето време“.

Unctad понуди меѓународна поддршка за воведување вакцини во земјите во развој и поголема координација на политиките во системски важните земји како начини за стимулирање на економскиот раст.

„Дури и да исклучиме значителни неуспеси, глобалното производство ќе го продолжи својот тренд од 2016-1919 година едвај во 2030 година“, посочуваат од Unctad.

Други акценти во извештајот:

* Американското економско производство се очекува да порасне за 5,7% во 2021 година и 3% во 2022 година.

* БДП на Кина се очекува да скокне за 8,3% оваа година и 5,7% следната година

* Заздравувањето на Европската унија ќе изнесува 4% раст во 2021 година и 3,3% следната година

* Индија ќе има зголемување на БДП од 7,2% оваа година, а потоа раст од 6,7% во 2022 година.