Осум најлоши грешки во професионалната комуникација

314

kancelarija-lugje-pixabay

Фото: Pixabay

Дознајте кои се најлошите и најчестите грешки што луѓето ги прават во професионалната комуникација, во канцеларијата и за време на деловните состаноци.

Непристојни шеги

Кажувањето непристојни шеги само покажува дека не знаете правилно да ја процените “публиката” и околината. Лоша страна е тоа што 61% од директорите  бараат од вас да предвидите што луѓето сакаат да чујат. Правилните зборови и тонот на гласот се многу важни при деловната комуникација.

Плачење

Солзи на работното место можат само да ви одмогнат, особено ако имате аспирации за висока позиција во компанијата. Заборавете на емоциите и обидете се да изгледате силно во секоја ситуација.

Неписменост

Директорите велат дека раководителите мора да бидат максимално достоинствени, начитани и да умеат со зборовите. Ако звучиш неписмено, шансите за напредок во кариерата се минимални.

Пцуење

Оваа лоша навика е недостојна за еден лидер. За жал, таа често може да се сретне при онлајн комуникацијата, што е огромна грешка. Затоа бидете многу внимателни, особено кога сте нервозни.

Флертување

Половина од извршните менаџери велат дека флертување на работното место само може да ја наруши репутацијата на вработениот, без разлика дали станува збор за маж или жена.

Зборување напразно

Ако зборувате неповрзано и без смисла луѓето ќе помислат дека не знаете што правите и дека сте надвор од контрола. Сето она што сте сакале да го кажете ќе пропадне во вода. Затоа добро средете си ги мислите и направете јасен концепт за она што сакате да го презентирате.

Нервозна гестикулација

Не само што одвлекува внимание туку и пречи во работата. Играње со облеката или мобилниот телефон за време на деловни состаноци дава впечаток на несериозност и на недостиг на концентрација.

Избегнување контакт со очи

Доколку избегнувате да го гледате соговорникот во очи, ќе изгледате како да лажете или како да криете нешто. Доколку сте на состанок ќе оддадете впечаток дека сте незаинтересирани.

Наметливост и премногу смеење

Директорите велат дека претераното смеење е една од најголемите грешки што жените ја прават при деловното комуницирање. Кај мажите пак наметливоста е проблем број еден. Умерената доза на смеење и пријатниот тон на гласот се клучни карактеристики за успешна деловна комуникација.