На германската економија систематски и недостасуваат стотици илјади квалификувани работници годишно, но вработувањето е забавено поради кризата. Напротив, сè повеќе домашни компании планираат да отпуштаат луѓе, пренесува германската новинска агенција ДПА.
Ова го покажува барометарот на пазарот на трудот на Институтот Ифо, кој во февруари потона за уште 0,4 поени, на 93 поени. Овој индекс со повремени осцилации тоне веќе три години. Кога индикаторот е над 100 поени, тоа значи дека компаниите планираат да вработуваат луѓе. Кога е подолу, се планираат отпуштања.
Последен пат барометарот покажа помала вредност беше во првата година од пандемијата, 2020 година.
„Ситуацијата на пазарот на трудот останува тензична, делумно поради структурното прилагодување на економијата“, рече директорот за истражување на институтот Клаус Волрабе.
Компаниите од индустријата, услугите, трговијата и градежништвото планираат да отпуштат работници. Трендот е особено изразен во индустријата и трговијата, додаде Вохрабе.
Ифо на месечно ниво анкетира околу 9.000 домашни компании од сите сектори на економијата во Германија. Институтот потоа ги мери одговорите според големината на компанијата и индустријата.