Плива по втор пат ја освојува наградата Супребрендс Македонија. Фармацевтската компанија ја доби оваа награда врз основа на гласовите од повеќе од 20.000 крајни корисници и стручното жири.
Наградата Супербрендс се доделува на бренд со висок квалитет, оригиналност и емоционална вредност за крајниот корисник.
Меѓународната организација, која е присутна во повеќе од 88 земји во светот, е единствен глобален и независен авторитет во подрачјето на брендирање.
“Оваа награда за Плива е доказ за квалитет, високи стандарди и потврда за значењето на нејзиниот квалитет на македонскиот пазар и на пазарот во целиот регион”, изјави Петар Велковски, директор на Плива Скопје.
Фармацевтската компанија прв пат ја освои оваа награда во 2011 година.
