Во 2024 година, домашната побарувачка за природен гас во Европската Унија се зголемила за 0,6 проценти или 12.802.111 тераџули во споредба со 2023 година, покажуваат податоците на Европскиот завод за статистика – Евростат.
Најголемо зголемување на потрошувачката е забележано во Грција од 31,3 проценти, по што следуваат Финска со зголемување на потрошувачката од 9,5 проценти и Литванија со зголемување на потрошувачката од 9,2 проценти.
Во 2024 година, Германија со 3.016.962 тераџули, и Италија и Франција со 2.357.157 и 1.309.178 тераџули имаа најголема домашна побарувачка. Најголемо намалување на потрошувачката е забележано во Португалија, за 16,7 проценти, и во Малта за 7,1 процент и Хрватска за 5,4 проценти.
Стапката на зависност на ЕУ од увоз на природен гас изнесуваше 85,6 проценти, а производството на природен гас во ЕУ го продолжи трендот на намалување, за 12,4 проценти во 2024 година во споредба со 2023 година, на 1.167.988 тераџули.
Најголемиот производител на природен гас во ЕУ, Романија, забележа зголемување на производството од 0,9 проценти со производство на природен гас од 359.943 тераџули во 2024 година, според податоците на Евростат, по што следуваат Холандија, чие примарно производство изнесуваше 322.642 тераџули, што е намалување од 18,1 процент, и Германија, чие примарно производство изнесуваше 136.227 тераџули, што е намалување од 5,1 процент.