Иако многумина би сакале да работат за Tesla, германскиот синдикат тврди дека платите во конкурентските компании се за околу 20 отсто повисоки.
Кога Tesla започна со производство на своите возила во новоотворената гига-фабрика во Берлин оваа година, вработи 3.000 луѓе, а потоа беше најавено дека ќе вработи уште илјадници нови работници во наредните месеци. Сепак, идеите на Маск не одат според планот, па на мрежата веќе извесно време кружат информации дека Tesla има проблеми со вработувањето во новата фабрика.
Но, дури сега дознавме дека ниската плата е една од причините за недостигот на работна сила во германската фабрика. Ова е тврдењето на последните медиумски извештаи кои беа пренесени на Business Insider, а кои се базирани на информации од најголемиот германски синдикат IG Metall.
Според овие информации, многу работници биле заинтересирани за работа во Tesla и би сакале да ја сменат сегашната работа за да работат во гигафабриката, но на крајот се откажале бидејќи ќе дојдат на нова работна позиција каде што платата ќе им биде помала. Според синдикатот, платата за иста или слична работа кај некој од конкурентните производители на автомобили е за околу 20 отсто поголема.
Работниците во фабриката на Tesla во Берлин веќе се пожалија на проблемите со платите на синдикатот, а додека во Германија им недостигаат работници, можеме да очекуваме откази во други фабрики. Имено, поради „супер лошото чувство“ за економијата, Елон Маск неодамна изјави дека сака да укине дури десет отсто од работните места во компанијата.
