На крилјата на успехот на моделите со зголемено растојание од тлото и преовладувачките трендови на електрификација, тимот од Цуфенхаузен подготвува уште еден EV SUV, пишува Automotoshow.
Говорејќи на Денот на пазарите на капитал на Porsche, кој се одржа оваа недела во центарот за истражување и развој во Вајсах, шефот на компанијата Оливер Блуме го објави проширувањето на опсегот.
„Планираме да додадеме нов, луксузен, целосно електричен SUV во нашето атрактивно портфолио. Новото возило ќе се составува во фабриката во Лајпциг, а додека деталите се уште не се познати, следнава изјава сугерира дека ќе биде поголем и поскап од Macan EV“:
„Овој нов модел дополнително ќе ги прошири нашите позиции во сегментот на луксузни автомобили. Она што го таргетираме се категориите со повисоки маргини во кои сакаме да ги искористиме можностите за продажба“.
Со овој нов, поголем електричен SUV, претстојниот Macan EV и моделите со нулта емисија 718, Porsche е на пат да ја достигне својата цел за повеќе од 80 отсто од продажбата на електрични автомобили до 2030 година.
Според гласините, станува збор за автомобил кој е „дел седан, дел кросовер“, со гламурозен профил и без стилските елементи што ги дели со Macan и Cayenne. На дилерите тогаш им беше кажано дека има plug-in хибриден погон, со целосно електричен погон кој пристигнува малку подоцна. Ако се работи за истиот модел, тоа може да значи дека проектот нема никаква врска со проектот Artemis VW Group.
Имено, Automobilwoche на почетокот на оваа година објави дека Porsche е подготвен да го откупи договорот за 100 милиони евра за да изгради нов електричен автомобил во куќата. Според првичниот план, овој модел требаше да биде склопен во Хановер од VW Commercial Vehicles.
Во извештајот се вели дека Порше на крајот ќе го изгради возилото во Лајпциг, што е во согласност со изјавата на Блуме за време на Денот на пазарите на капитал. Наместо да се базира на Project Artemis, новиот автомобил се очекува да почива на PPE платформата што заеднички ја развиваат Porsche и Audi.
Електричната архитектура на Premium Platform ќе дебитира во 2023 година со Macan EV и Q6 e-tron.
