Најголемата банка во Сингапур, DBS, денеска објави дека очекува да елиминира околу 4.000 позиции во следните три години, бидејќи вештачката интелигенција (ВИ) ќе преземе голем дел од работата што моментално ја вршат луѓето.
Портпаролот на банката рече дека потегот, кој ќе остави без работа 4.000 работници, ќе влијае на привремениот и на договорниот персонал, пренесува Би-Би-Си.
Постојаниот персонал нема да биде засегнат од овие кратења. ДБС вработува вкупно околу 41.000 луѓе, а моментално има меѓу 8.000 и 9.000 работници на привремен договор.
Извршниот директор на банката во заминување, Пијуш Гупта, исто така рече дека се очекува да бидат отворени околу 1.000 нови работни места поврзани со вештачката интелигенција.
Ова ја прави DBS една од првите големи банки што дава детали за тоа како вештачката интелигенција ќе влијае на нејзиниот бизнис, според Би-Би-Си. Минатата година Гупта рече дека DBS работи на вештачка интелигенција повеќе од една деценија.