Американската технолошка компанија Apple објави раст на приходите од четири отсто на годишно ниво на 124,3 милијарди долари во првиот квартал од својата фискална година, од октомври до декември, додека приспособената заработка по акција скокна за 10 отсто на годишно ниво, на 2,40 долари.
Apple во споменатиот период оствари профит од 36,33 милијарди долари, што е за 7,1 отсто повеќе отколку во истиот квартал пред годината, пренесува Tech Crunch.
Компанијата забележа раст на приходите и профитот и покрај тоа што продажбата на iPhone на клучниот кинески пазар падна за 11,1 отсто на годишно ниво, со што приходите од телефонот достигнаа 18,51 милијарди долари.