Мексиканската национална авиокомпанија Aeromexico се најде на врвот на глобалната листа на точност на летови во 2024 година, според Cirium, компанија за воздухопловна аналитика.
Дури 86,7 отсто од нивните летови пристигнале според распоредот на летовите, односно во рок од 15 минути од планираното време за слетување, пренесува CNBC.
Џереми Боуен, извршен директор на Cirium, рече дека го смета резултатот за „апсолутно“ изненадување.
„Зад себе имаа извонредна година. Тие ја подобрија точноста на нивните летови за неверојатни девет проценти. Да се оди од позиција надвор од првите 10 до првото место е речиси нечуено“, рече тој.
Боуен го препиша успехот на Aeromexico на нејзината корпоративна култура, инвестициите во нова опрема и соработката со главниот аеродром во Мексико Сити, кој во извештајот на Cirium го рангираше четвртото место меѓу светските аеродроми по точност на летот. „Кога авиокомпанијата и нејзиниот матичен аеродром постигнуваат добри резултати, тоа значи дека тие функционираат ефективно како тим“, посочи тој.
Саудиа (поранешен Саудиска Арабија Ерлајнс) се рангираше на второто место меѓу светските авиокомпании, напредувајќи од деветтото место на листата на Cirium за 2023 година, со 86,35 отсто од нејзините летови навреме, покажа извештајот.
„Делта ерлајнс“ се рангираше на третото место со 83,46 отсто од навремените летови, по што следи Латам ерлајнс со 82,89 отсто и Катар ервејс со 82,83 отсто, според извештајот на Cirium „Преглед на точност за 2024 година“.
Cirium ја прогласи Delta за „најдобра авиокомпанија во светот за оперативна извонредност“ четврта година по ред благодарение на точноста и големината, имајќи предвид дека е меѓу најголемите авиокомпании во светот.