Honda и Nissan беа на прагот да се спојат во една голема компанија, но преговорите не го дадоа очекуваниот резултат. Двата производители на автомобили во декември објавија дека размислуваат за спојување. Во февруари требаше да презентираат план за понатамошни преговори. Намерата на компаниите да ги здружат силите се гледа како обид да се држи чекор со американскиот производител на автомобили Тесла и кинеските компании на пазарот на електрични возила. Извршниот директор на Honda во декември изјави дека тоа не е спасувачка операција за Nissan, кој укина илјадници работни места минатата година по остриот пад на профитот во првата половина од годината, пишува РевијаХак.
Според локалните медиуми, преговорите пропаднале бидејќи идејата на Хонда била да го претвори ривалот кој се бори во подружница, наместо првичниот план за спојување на двете компании во нов холдинг. Honda и Nissan велат дека ќе продолжат да соработуваат за електрични возила.
Блумберг објави дека американската инвестициска компанија KKR размислува да инвестира во Nissan. Јапонскиот производител бара нов партнер, а компанијата претпочита сојузник од технолошкиот сектор и по можност со седиште во САД. KKR е присутна во Јапонија веќе некое време, инвестирајќи во снабдувачот на автоделови Marelli Holdings. Претставниците на KKR и Nissan одбија да ги коментираат гласините.
За Nissan е заинтересиран и тајванскиот производител на iPhone, Hon Hai Precision Industry, попознат како Foxconn. Претседателот Јанг Лиу претходно оваа недела изјави дека Foxconn е отворен за купување на 36 отсто од акциите на францускиот производител на автомобили Renault во Nissan. Според него, Foxconn сака да влезе во партнерство со Nissan, но не и целосно да го преземе јапонскиот производител на автомобили.