Компанијата „AMG Lithium“ ја отвори првата рафинерија за литиум во Европа во Битерфелд-Волфен, Германија. Рафинеријата е изградена за нешто повеќе од две години и чинела околу 140 милиони евра.
Поголемиот дел од литиумот во фабриката ќе доаѓа од Бразил, а задачата на рафинеријата е потоа да го претвори суровиот материјал во литиум хидроксид компатибилен со батерии.
Се очекува фабриката да произведува 20.000 тони литиум хидроксид годишно, што е доволно за напојување на 500.000 електрични возила, пренесува Јуронуз.
Како одговор на нејзината растечка побарувачка, ЕУ предложи Акционен план за критични суровини за 2020 година, кој има за цел да ја намали зависноста на Европа од надворешни извори на снабдување.
Во моментов, повеќето хибридни и електрични возила користат литиум-јонски батерии. Извршниот директор на AMG Lithium, Стефан Шерер, рече „ако сакате и перформанси и опсег на возење, тогаш литиум-јонската батерија е едноставно непобедлива“.