Иако не постои типична креативна личност, постојат одредени особини и однесувања кои укажуваат на тоа дека се работи за креативна личност. Еве кои работи креативните луѓе ги прават поинаку.
Фантазираат
Креативните луѓе знаат дека фантазирањето не е воопшто губење на време. Многу од нас знаат дека најдобрите идеи всушност ни паѓаат на памет, токму кога размислуваме за нешто друго.
Работат кога се најефикасни
Многу успешни луѓе тврдат дека најдобро работат рано наутро или доцна навечер. Раздвиженоста која ја има средината на денот може многу пати да ви го одвлече фокусот, затоа потрудете се да одвоите неколку часови навечер или наутро и посветете ги на работење на некој ваш важен проект или план.
Секогаш наоѓаат време за себе
За да бидете креативни, мора да знаете конструктивно да го користите времето кога сте сами. Мора да го надминете стравот од самотија, треба да имате на ум дека самотијата понекогаш е клуч за остварување на вашите најголеми цели.
Учат од сопствените грешки
Кога се занимавате со нешто креативно, ќе има периоди кога ќе доживеете неуспех, се додека не го откриете она што ќе ве донесе до посакуваниот резултат. Креативните личности, барем оние најуспешните, имаат научено дека неуспехот не треба да го доживуваат лично.
Ризикуваат
Ризикувањето исто така влијае на креативноста. Многу креативни личности постигнале успех само затоа што презеле ризик. Постои длабока ,,врска” помеѓу преземањето ризик и креативноста, но таа често се занемарува. Креативноста ви овозможува од ништо да направите нешто.
Ги поврзуваат работите
Ако постои нешто по што креативните луѓе се разликуваат од другите, тогаш тоа е нивната способност да видат можности тамо каде другите не гледаат. Креативноста е всушност способност на поврзување на работи кои другите никогаш не би ни помислиле да ги поврзат.
Фото: Pexels
