Францускиот производител на автомобили Рено објави дека постигнал позитивен деловен резултат во 2021 година кој ги надмина очекувањата, по две последователни години загуби предизвикани од пандемијата на Ковид и проблеми со купувањето чипови.
Рено, кој е во сојуз со јапонските Nissan и Mitsubishi, соопшти дека неговиот удел во нето добивката на групацијата изнесува 888 милиони евра (1,0 милијарди долари), додека аналитичарите во анкетата на Refinitiv предвидуваа 818,7 милиони евра, пренесува Reuters.
Профитабилниот бизнис е резултат на големото преструктуирање на компанијата, спроведено со цел да се намалат фиксните трошоци, фокусирајќи се на производството на најпрофитабилните модели и најважните пазари на Рено.
Нето добивката доаѓа по огромната загуба од 8,01 милијарди евра пријавена претходната година и загубата од 141 милион евра во 2019 година, прва забележана во период од десет години.